Ағымдағы жылдың 13-15 қараша аралығында Нұр-Сұлтан қаласы әкімдігінің Жанұя отбасы институтын қолдау орталығында Нұр-Сұлтан қаласы Полиция департаментімен бірлесе отырып Отбасындағы зорлық-зомбылыққа жол ЖОҚ! Республикалық акциясы өткізілді.

Акцияның мақсаты – тұрмыстық зорлық-зомбылықтың алдын алу және қабылданып жатқан шаралар туралы халықты ақпараттандыру, олардың полиция органдарына сенімін арттыру, қоғамда отбасының рөлін нығайту болып табылады. Акция барысында халыққа жадынамалар мен буклеттер таратылады, сондай-ақ тұрмыстық зорлық-зомбылық профилактикасы бойынша арнайы бейнероликтер көрсетілді.