Ағымдағы жылдың 23 қарашасында Қырғыз Республикасының Еңбек, әлеуметтік қамсыздандыру және көші-қон министрлігі мен халықаралық ынтымақтастық жөніндегі Герман қоғамының өкілдерінен тұратын қырғыз делегациясы «Жанұя» отбасы институтын қолдау орталығынының жұмысымен танысу мақсатында іс-сапарымен келді.

Көршілес елден келген лауазымды тұлғаларды «Нұр-Сұлтан қаласының Жұмыспен қамту және әлеуметтік қорғау басқармасы басшысының орынбасары – Скуб Илья Васильевич пен Орталықтың директоры Садыр Әсемгүл Сатыбайқызы қарсы алды.

Сапар бағдарламасының мақсаты - қазақстандық тәжірибемен танысу және талқылау (еңбек нарығында жұмыспен қамтуға жәрдемдесудің белсенді шаралары, жұмыспен қамтуға жәрдемдесу шараларының түрлері мен қаржыландырылуы), кәсіби біліктілікті дамыту.

Қонақтар Орталық бөлімдерінің жұмысымен танысып, атқарылып жатқан қызметіне жоғары баға берді.